Íslenskuþorp í leikskólum um land allt

Menntafléttunámskeið

september

-

maí

Staða
Ólokið
Verð
Opið námskeið
Hefja námskeið

Íslenskuþorp í leikskólum um land allt

Námskeiðið er fyrir starfsfólk leikskóla sem hefur annað móðurmál en íslensku.

Á námskeiðinu verður fléttað saman fagtengdri íslenskukennslu og 8 fjölbreyttum þemum úr leikskólastarfi. Námskeiðið byggir á samtali þátttakenda, uppbyggingu tengslanets og samstarfi þátttakenda og mentora innan leikskólanna. Þátttakendur, mentorar þeirra og leikskólastjórar kynnast menningarnæmi og fjölmenningarlegum áherslum leikskólastarfs og fá tækifæri til að byggja upp þekkingu innan leikskólanna á ofangreindu til framtíðar. Skráningarfrestur er til og með 1. september – Athugið að við skráningu á námskeiðið skal skrá leikskólastjóra og tvo mentora, einn aðalmentor og einn til vara. Fyrir nánari upplýsingar má skrifa tölvupóst til Guðlaugar Stellu umsjónarkennara námskeiðsins; gudlaugs@hi.is – einnig má slá á þráðinn í síma 8988128.

Við lok námskeiðs hafa þátttakendur;

  • eflt hæfni sína í fagtengdri íslensku í leikskóla og aukið sjálfstraust í notkun íslenskunnar í leikskólanum.kynnst 8 ólíkum þemum leikskólastarfs með áherslu á ný hugtök og hvernig þau koma fyrir í leikskólastarfi.
  • kynnst 8 ólíkum þemum leikskólastarfs með áherslu á ný hugtök og hvernig þau koma fyrir í leikskólastarfi.
  • eignast tengslanet í leikskólum víða um land og kynnst fjölbreyttu leikskólastarfi þátttakenda sem og gestakennara.
  • byggt upp, ásamt mentorum sínum, þekkingu innan sinna leikskóla á menningarnæmi og fjölmenningarlegum áherslum í leikskólastarfi.

Fyrir hverja er námskeiðið og hvaða skilyrði þurfa að vera til staðar?

Námskeiðið er fyrir lengra komið starfsfólk í íslensku. Mikilvægt er að ákveðin skilyrði séu til staðar svo að námskeiðið verði sem lærdómsríkast fyrir þátttakendur og námssamfélagið í leikskólunum. Stuðningur og hvatning stjórnenda skiptir sköpum en gert er ráð fyrir að þátttakendur taki þátt í námskeiðinu á vinnutíma og hafi tvo mentora sem verða honum samferða í gegnum námskeiðið. Samvinna mentora og þátttakenda er lykillinn að árangri í íslensku og aukinni þekkingu á faglegu starfi leikskólans. Allir þátttökuleikskólar fá heimsóknir með fræðslu og handleiðslu til að tryggja eftirfylgd og aðlögun námskeiðsins að þörfum þátttakenda og leikskólanna.

  • Mentorar og leikskólastjórar mæta á fræðslu- og kynningarfund í upphafi námskeiðs 4. september kl. 14:00 – 15:00.
  • Þátttakendur mæta á kynningarfund um fyrirkomulag námskeiðsins 18. september kl. 14:00 – 15:00.
  • Þátttakendur mæta tvisvar í mánuði á zoom, samtals 3 klukkustundir í mánuði.
  • Mentorar og þátttakendur taka frá tíma einu sinni í viku til að ræða þemu námskeiðsins við þátttakendur (mentorar skipta með sér verkum eftir aðstæðum).
  • Umsjónarkennari heimsækir leikskólana tvisvar yfir skólaárið, í september og janúar.

Eins og í öðrum Menntafléttunámskeiðum eru þátttakendur í samráði við sína stjórnendur um þátttöku á námskeiðinu og einnig í samráði um val á mentorum úr samstarfshópnum. Með því eru leikskólastjórar meðvitaðir um að styðja við þróun námssamfélags í leikskólanum.

Umsjónaraðilar námskeiðs

Anna Sofia Wahlström

Vessela Stoyanova Dukova

Nichole Leigh Mosty

Fríða Bjarney Jónsdóttir

Danijela Zivojinovic

Birte Harksen

Guðlaug Stella (Gulla)

Umsjónarkennari námskeiðsins

Innskráning

Ekki með aðgang?

Skráðu þig, það kostar ekkert!

Hafa samband

Uppfæra notanda

Uppfæra notanda