Innskráning

Íslenskuþorp í leikskólum um land allt

Menntafléttunámskeið

september

-

maí

Staða
Ólokið
Verð
Opið námskeið
Hefja námskeið
Innskráning
Námskeiðið er fyrir starfsfólk leikskóla sem hefur annað móðurmál en íslensku. Á námskeiðinu verður fléttað saman fagtengdri íslenskukennslu og 8 fjölbreyttum þemum úr leikskólastarfi. Námskeiðið byggir á samtali þátttakenda, uppbyggingu tengslanets og samstarfi þátttakenda og mentora innan leikskólanna. Þátttakendur, mentorar þeirra og leikskólastjórar kynnast menningarnæmi og fjölmenningarlegum áherslum leikskólastarfs og fá tækifæri til að byggja upp þekkingu innan leikskólanna á ofangreindu til framtíðar. Umsjónarkennari námskeiðsins er Guðlaug Stella Brynjólfsdóttir, forstöðumaður Íslenskuþorpsins. Aðferðafræði Íslenskuþorpsins býður upp á markvisst og sérsniðið æfingaumhverfi í raunverulegum aðstæðum þar sem umhverfið og stuðningur mentors styður við námið og samskipti á íslensku. Guðlaug mun leita leiða til að heimsækja þátttakendur og mentora á vinnutíma leikskólanna með fræðslu og handleiðslu til að tryggja eftirfylgd og aðlögun námskeiðsins að þörfum þátttakenda. Skráningarfrestur er til og með 1. september Fyrir nánari upplýsingar má skrifa tölvupóst til Guðlaugar gudlaugs@hi.is eða Katrínar Valdísar kava@hi.is – einnig má slá á þráðinn til Guðlaugar í síma 8988128. Við lok námskeiðs hafa þátttakendur
    • eflt hæfni sína í fagtengdri íslensku í leikskóla, bæði með ígrundun og samtali.
    • kynnst 8 ólíkum þemum leikskólastarfs með áherslu á ný hugtök og hvernig þau koma fyrir í leikskólastarfi.
    • eignast tengslanet í leikskólum víða um land og kynnst fjölbreyttu leikskólastarfi þátttakenda sem og gestakennara.
    • byggt upp, ásamt mentorum sínum, þekkingu innan sinna leikskóla á menningarnæmi og fjölmenningarlegum áherslum í leikskólastarfi.
Fyrir hverja er námskeiðið og hvaða skilyrði þurfa að vera til staðar? Námskeiðið er fyrir starfsfólk leikskóla sem hefur annað móðurmál en íslensku. Reynslan hefur sýnt fram á að farsælt sé að fleiri en einn þátttakandi sé frá hverjum leikskóla, en það er þó ekki skilyrði. Í öllum leikskólum þátttakenda verða að vera ákveðin skilyrði til staðar svo að námskeiðið verði sem farsælast og lærdómsríkast. Stuðningur og hvatning stjórnenda skiptir sköpum en einnig er gert ráð fyrir að hver og einn þátttakandi hafi mentor sem verður honum samferða í gegnum námskeiðið með ýmsu móti:
    • Mentorar taki frá tíma reglulega til að ræða þemu námskeiðsins við þátttakendur.
    • Mentorar og leikskólastjórar mæta á fræðslu- og kynningarfund í upphafi námskeiðs.
    • Mentorar mæta í tvígang (í nóvember og mars) í lotur með þátttakendur – í 30 mínútur hvort skipti.
Guðlaug Stella hjá Íslenskuþorpinu mun leita leiða til að heimsækja þátttakendur og mentora á vinnutíma með fræðslu og innleiðingu stuðningsvæns umhverfis á þeirra vinnustað. Þar verður rætt um markmiðasetningu, reynsluna af námskeiðinu og námskeiðið lagað að þörfum þátttakenda og leikskólanna sem þeir starfa á. Eins og í öðrum Menntafléttunámskeiðum eru þátttakendur hvattir til að vera í samráði við sína stjórnendur um þátttöku á námskeiðinu. Með því eru leikskólastjórar meðvitaðir um að styðja við þróun námssamfélags í leikskólanum..

Umsjónaraðilar námskeiðs

Vessela Stoyanova Dukova

Nichole Leigh Mosty

Fríða Bjarney Jónsdóttir

Danijela Zivojinovic

Birte Harksen

Anna Sofia Wahlström

Guðlaug Stella (Gulla)

Umsjónarkennari námskeiðsins

Námskeið yfirlit

Sjá allt
Þróunarhringurinn okkar og skrefin fjögur
Kennslulotur
Annað
1 of 2

Menntafléttan var stofnuð að frumkvæði mennta- og menningarmálaráðuneyti árið 2019 í breiðu samstarfi við menntasamfélagið.

Allt efni á þessum vef er verndað af ákvæðum höfundalaga. Án samþykkis er öll dreifing og eintakagerð útfrá efni vefsins óheimil.

Innskráning

Ekki með aðgang?

Skráðu þig, það kostar ekkert!

Skrá mig

Hafa samband

Uppfæra notanda

Uppfæra notanda