Lestur Þegar þú lest greinina Unnið með magn skaltu íhuga eftirfarandi atriði:

• • Líkindi, samband og mismun stærðfræðilegu viðfangsefnanna að mæla og telja.

• • Hugmyndir Davydovs um að nota mælingar til að ná dýpri skilningi á tölum.

• • Gögn og hluti í nærumhverfinu sem hægt er að nota sem útgangspunkt í kennslu í stærðfræðilegu viðfangsefnunum.

• • Stærðfræðileg viðfangsefni í leikskóla margbreytileikans.

• • Stuðning forráðamanna og samfélagsins við starfið.

Mynd

Skoðaðu ljósmyndina Mynd – unnið með magn og íhugaðu hvernig hægt er að nota þetta umhverfi til að hvetja börn til þess að telja og mæla. Skoðaðu sérstaklega:

• • Hvaða hluti í þessu umhverfi er hægt að nota til að ögra tilgátum-í-athöfn, um að telja og mæla, hjá börnunum?

• • Hvaða eiginleika hlutanna getur þú notað til að ögra börnunum í leik? Hvernig væri hægt að nota þessa eiginleika til að stuðla að kennslu í gegnum leik?

• • Hvernig er hægt að nota þessi gögn og umhverfi til að ögra börnunum? Hvaða námsaðstæður getur þú undirbúið þar sem þú notar þessi gögn og umhverfi?

• • Ef þú hefur ekki aðgang að leikvelli eins og þessum, hvar gætir þú fundið stað þar sem þú gætir skapað svipaðar námsaðstæður?

• • Hvernig er hægt að nota þessa mynd með börnunum til að ræða um ólík svið þess að telja og mæla?

Skráning

Skráðu niður hugmyndir þínar og ígrundun og settu í safnmöppuna þína.