Þróunarhringur 12 – Skráningar og starfsþróun
Í þessum síðasta hluta námskeiðsins er farið vítt og breytt yfir efni allra tólf þróunarhringjanna sem leikskólanámskeiðin þrjú byggja á. Námskeiðin Stærðfræðin í leik barna, Stærðfræðin í umhverfi leikskólabarna og Magnskilningur leikskólabarna byggja öll á sex stærðfræðilegu viðfangsefnum Bishops og eru tvö viðfangsefni tekin fyrir á hverju námskeiði.
Nú eru þær grundvallarhugmyndir sem voru skoðaðar í fyrri þróunarhringjum skoðaðar aftur. Þessar hugmyndir eru þemu sem hafa gengið eins og rauður þráður í gegnum öll þrjú námskeiðin og í þessum hluta eru þær tengdar saman til að lýsa hvaða vægi þær hafa í skráningu á starfsemi leikskólans.
Þið lesið um öll sex stærðfræðilegu viðfangsefni Bishops og ræðið hvernig hægt er að nota þau sem ramma til að skoða stærðfræði í leikskólum.
Ykkar eigin hugmyndir um hvernig stærðfræði í leikskólum geti verið og hlutverk ykkar við að þróa þennan hluta starfsins verður í brennidepli. Saman ígrundið þið einnig hvernig þið getið haldið áfram að þróa starfið og starfshætti ykkar eftir að námskeiðinu lýkur.