Við mælum með að þið kynnið námskeiðið í leikskólunum ykkar. Segið frá námskeiðinu, hvað þið lærðuð og hvað ykkur finnst um námið í vetur. Þið ráðið hvernig kynningin er, hvar og hvenær.

Hér er dæmi um það sem er hægt að segja frá í kynningunni á námskeiðinu Íslenskuþorp í leikskólum um land allt:

Ýmsar upplýsingar um námskeiðið:

• Leikskólar af öllu landinu (25 leikskólar, um 100 manns sem eru þátttakendur og mentorar).
• Netnámskeið og námskeiðsvefur með fagtengdu efni, íslenskuefni, verkefnum og hugmyndabanka.
• 8 lotur með fagtengdri fræðslu eins og:
  • Málörvun með sögum
  • Læsi í víðum skilningi
  • Skapandi leikskólastarf
  • Menningarnæmi og fjölmenning í leikskólastarfi
  • Leikur barna
  • Sjálfsmynd og samskipti í lýðræðislegu leikskólastarfi
  • Málörvun með tónlist
  • Foreldrasamstarf í fjölmenningarlegu leikskólastarfi
• Íslenskutímar þar sem íslenskugrunnur (málfræði, málnotkun, framburður) er tengdur;
  • orðaforða og málnotkun í leikskólum
  • fagtengdri fræðslu
  • hjálparmiðlum
• Fundir með mentor.
  • talþjálfun um fagtengdu fræðsluna

Hvernig fannst þér námskeiðið, hvað lærðir þú?

• Segja frá einhverju sem ykkur fannst áhugavert (aðferðir, verkefni, hugmyndir):
  •       Ég lærði …
  •       Mér fannst …
  •       Mig langar að læra meira um ….
• Segja frá nýjum orðum, setningum, hugtökum, málsháttum.
  •       Ég lærði til dæmis …
  •       Ég lærði til dæmis að segja …
  •       Ég hafði aldrei heyrt orðið …
  •       Ég lærði málsháttinn …