Undirbúningsefni í 7. lotu
Börn og tónlist
Áður en við hittumst vil ég biðja ykkur um að skoða vefinn minn sem heitir Börn og tónlist – bornogtonlist.net.
Það eru 15 ár síðan ég byrjaði að setja fram hugmyndir um vinnu með tónlist í leikskólanum og núna eru næstum 500 síður á vefnum. Flestar síður eru með myndskeið sem hjálpa ykkur til að læra lögin og sjá hvernig ég er að vinna.
Þar eru mismunandi meginflokkar (sem þið sjáið þegar þið blaðið niður á forsíðunni).
Flokkarnir heita:
- Lög í samhengi,
- Hreyfing, dans og leikir
- Fjölþjóðlegt
- Hljóðfæri og hljóðgjafar
- Sögur og tónlist
- Yngstu börnin
- Tónlist barnanna
- Kynningar
Undir “Fjölþjóðlegt” eru lög á öðrum tungumálum en íslensku.
Skoðið flokkinn og sjáið hvort þar sé lag á ykkar móðurmáli.
Ef ekki þá væri ég til í að heyra hvaða barnalagi frá ykkar landi þið mynduð mæla með 🙂
Tvö dæmi um málörvunarvinnu
Ég vildi biðja ykkur um að skoða tvö stutt myndskeið í flokknum “Yngstu börnin”:
- Í lófanum mínum – https://www.bornogtonlist.net/i-lofanum-minum/
- Ég á gæludýr – https://www.bornogtonlist.net/eg-a-gaeludyr/
Grein og myndskeið
Hér er stutt grein um hvernig ég er að kenna krökkum að syngja á öðrum tungumálum:
https://www.kopavogsbladid.is/kennir-krokkum-ad-syngja-a-odrum-tungumalum/
Hér er stutt myndskeið um mig og Börn og tónlist sem var sýnt á ráðstefnunni Utís Online 2022:
