Um námskeiðið

Námsskeiðið er hugsað fyrir kennara sem eru að stíga sín fyrstu skref í kennslu og markmiðið því með námskeiðinu að styðja við þátttakendur í því ferli. Nýliðar teljast þeir sem hafa unnið í fimm ár eða skemur. Á námskeiðinu er lögð áhersla á að fara yfir helstu verkefni og áskoranir sem bíða nýrra kennara. Námskeiðið er hugsað sem námssamfélag þar sem þátttakendur fá verkefni og hugmyndir til að nýta í eigin kennslu ásamt því að geta deilt eigin hugmyndum og reynslu.

Við lok námskeiðs hafa þátttakendur vonandi öðlast dýpri skilning og sjálfsöryggi tengt starfi sínu og starfsumhverfi.

Kennari

Andri Rafn Ottesen grunnskólakennari við Garðaskóla hefur umsjón með námskeiðinu. Andri Rafn lauk B.Ed.-gráðu í grunnskólakennarafræði vorið 2016 frá Menntavísindasviði Háskóla Íslands og M.Ed.-gráðu vorið 2018 frá sama skóla. Hann hefur undanfarin ár skoðað stöðu karla í kennslu og leiðsögn við nýliða ásamt því að hafa beitt sér fyrir framgangi hugmynda um kandidatsár fyrir nýbrautskráða kennara.

Skipulag námskeiðs