Hér er mikilvægur orðaforði og málnotkun sem tengist efninu hennar Fríðu í 6. lotu:

Jákvæð samskipti við börn og endurgjöf (hrós) án þess að segja bara „þú ert frábær“ eða „þetta er flott mynd hjá þér“:

• Mikið ertu búin að ganga vel frá
• Þú ert að byggja stórt hús úr kubbunum, hvaða hús er þetta?
• Þú ert duglegur að biðja um aðstoð
• Þú ert alltaf tilbúin að læra eitthvað nýtt í staðinn fyrir að segja „ég get ekki“.
• Ég sé að þú ert að teikna, hvað er á myndinni þinni?
• Hvað táknar þetta bláa hér?
• Mér finnst þú mjög dugleg að nota alla litina!
• Þú ert mjög hugmyndaríkur þegar þú ert að teikna!

Fullgildi – finnast maður vera hluti af hópnum

• Má ég setjast hjá þér og skoða hvað þú ert að gera?
• Þið eruð svo dugleg að hjálpast að, getið þið náð í mjólk í eldhúsið?
• Getur þú hjálpað Sigga að ganga frá kubbunum þú ert svo hjálpsöm?
• Kann einhver að segja góðan dag á fleiri tungumálum en íslensku?
• Viltu bjóða henni að vera með í leiknum?
• Viltu hjálpa mér?
• Getum við öll verið saman í leiknum?

Lýðræði –fá að velja og að eiga rödd

• Viltu bláu húfuna eða rauðu húfuna?
• Vilt þú fara í vettlingana núna eða viltu hafa þá í vasanum og fara í þá ef þér er kalt?
• Hvaða lag viljið þið syngja í samverustund?
• Vilt þú velja bók sem við getum lesið saman?
• Hvað finnst þér best að borða?
• Hvað finnst þér skemmtilegast að gera?
• Hvað heitir uppáhaldslagið þitt?

Samkennd – að setja sig í spor annarra og skilja af hverju þau gera eða segja eitthvað

• Hvernig líður henni núna?
• Hvernig líður þér?
• Hvað kom fyrir?
• Getur þú hjálpað mér að hugga Stínu af því að hún er leið?
• Af hverju er Jón sorgmæddur?
• Núna er Pavel dapur af því að mamma fór í vinnuna en þegar hún er búin að vinna sækir hún Pavel.

Tengsl – að tengjast öðrum

• Viltu hjálpa mér?
• Viltu segja mér frá?
• Viltu útskýra fyrir mér?
• Má ég heyra hvað þú ert að gera?
• Viltu segja mér hvað þú varst að gera í gær?
• Hvað er gott að gera með mömmu?
• Hvað er best að gera með pabba?

Sjálfsefling og endurgjöf (hrós)

• Þú gast það
• Þegar eitt virkaði ekki reyndir þú annað og það gekk
• Þú reyndir og reyndir og loksins tókst þér það
• Það stoppar þig ekkert, þú ert svo ákveðin/n
• Þú reynir áfram jafnvel þó að þetta sé mjög erfitt
• Það virkaði að þú beindir athygli þinni svona vel að verkefninu, núna náðir þú þessu.